Catbalogan team reaches Abuyog, Leyte

Nakaabot na gihapon kanina han kulop ha Abuyog, Leyte an aton bulig.

An aton Catbalogan City Disaster Risk Reduction & Management Office (CDRRMO) como nanguna han aton team nga ginpadara ngadto amo an nakastorya han Mayor han Abuyog nga hi Hon. Lemuel Traya sugad man gihap han ira MSWDO bahin han pagduhol naton han mga masunod nga bulig:

– 25 ka sako nga bugas tikang ha ciudad;
– 25 ka sako nga bado tikang han una nga donation drive han aton CYDO; ug
– 450 food packs tikang ha Tingog Party List.

Basi han ira report as of 9AM yana nga adlaw, mayda na 23 nga casualty an ira nalista, sugad gihap hin 177 pa nga nawawara, 47 nga mga injured, ug 25 nga admitted ha health facilities.

Dako gud an pasasalamat ni Mayor Trana han Abuyog han bulig nga napadangat naton kay kita daw an una nga LGU nga naghatag hin bulig nga mga relief goods kay ba man an aton mga taga AFP ngan BFP amo an nabulig han retrieval operations.

Basi han ira report, 24 out of 63 nga mga barangay han Abuyog an severely flooded ngan naabot na 10,819 nga mga pamilya an apektado hini nga 24 nga mga barangay.

Hinaut unta nga buligan ta an Abuyog ngan iba pa nga mga lugar ha Leyte nga naapektuhan gud han naglabay nga bagyo Agaton. Ipadayon naton nga ig-ampo nga makalahos na hira hini nga kakurian.

God bless everyone!

#AgatonPH#catbalogancity
#derechouswagcatbalogan
#kamatinambuligonkatbalogan
#PrayforLeyte#HelpLeyte

Comments are closed.

PROCUREMENTS