Catbalogan team reaches Baybay City, Leyte

An Baybay City naman an natagan han aton bulig kanina han kulop.

An aton Catbalogan City Disaster Risk Reduction & Management Office (CDRRMO) kaupod an mga taga Catbalogan City Health Office (CHO), Catbalogan City General Services Office (GSO), Catbalogan Law Enforcement Auxiliary Unit (CLEAU) pati an mga kasugbong ta ha Catbalogan Volunteer Fire Brigade Assn Inc. an nagpadangat han aton bulig nga ginkarawat han ira CSWDO ini nga mga masunod:

– 25 ka sako nga bugas tikang ha ciudad;
– 25 ka sako nga bado tikang han una nga donation drive han aton CYDO; ug
– 800 food packs tikang ha Tingog Party List.

Basi han ira report as of kakulop nga adlaw, mayda na 36 nga casualty an ira nalista basi han ira CDRRMO Situational Report ngan duwa (2) nga mga barangay an gintututukan para han search and rescue operations – Brgy. Kantagnos ug Brgy. Can-ipa.

Aadto gihapon an aton kasugbong ha Office of Civil Defense Region 8 (OCD 8 ) para mag-establisar han Emergency Operations Center (EOC) kaupod gihap an iba nga mga ahensya sugad han AFP, PNP, BFP, NBI, SOCO ngan iba pati mga volunteer groups gihapon.

Hinaut unta nga buligan ta an Baybay City ngan iba pa nga mga lugar ha Leyte nga naapektuhan gud han naglabay nga bagyo Agaton. Ipadayon naton nga ig-ampo nga makalahos na hira hini nga kakurian.

God bless everyone!

#AgatonPH#catbalogancity
#derechouswagcatbalogan
#kamatinambuligonkatbalogan
#PrayforLeyte#HelpLeyte#LeyteNeedsHelp
#BaybayNeedsHelp

Comments are closed.

PROCUREMENTS